Токтогул суу сактагычында суунун көлөмү 16,8 миллирад кубометрди түздү. Бул тууралуу өкмөттүн отурумунда Өндүрүш, энергетика жана тоо-кен байлыктарын пайдалануу боюнча мамлекеттик комитеттин төрагасы Эмил Осмонбетов билдирди.
Анын айтымында, бул былтыркы жылга салыштырмалуу 930 миллион кубометрге аз.
«Биздин божомолдоо боюнча, суунун көлөмү 2020-жылдын жаз айына чейин жетиштүү болот. Токтогул ГЭСин өчүргөндө, Бишкек ЖЭБи электр энергиясын иштеп чыгаруу режиминде иштеп баштайт», -деди Улуттук энергохолдингдин төрагасы.