Кыргызстандагы орусиялык аскер авиабазасынын статусу өзгөрөт. Бул тууралуу маалымат жыйында Президенттин аппаратынын тышкы саясат бөлүмүнүн жетекчиси Данияр Сыдыков билдирди.
Анын айтымында, учурда Орусия жана Кыргызстан ортосунда аскердик байланыш чөйрөсүндө орусиялык аскер базасынын статусун өзгөртүүгө тиешелүү протокол дайындалып жатат.
«Сүйлөшүүлөр аягына чыгып калды. Майда-баратына чейин айтып бере албайм. Сүйлөшүүлөр аяктаган соң маалым болот. Документке Владмир Путиндин иш сапарынын алкагында кол коюлат», -деди Данияр Сыдыков.
