Суроо-жооп. Мусулман ачык кийинген кыздарды карай алабы?

09:55, 18 марта 2019, Бишкек - 24.kg

24.kg агенттигинин окурмандарынан келип түшкөн суроолорго Дин маселелери боюнча маалымат жана кеңеш берүү борборунун адистери (теолог, юрист, психолог) жооп берет.

Суроо: Көчөдө, коомдук жайларда кээде жарым жылаңач кыздарды көрүп, чогуу олтуруп калган учурлар да болот. Мындай учурда мусулман адам кандай кылыш керек?

Жооп: «Оо Али! Тыюу салынган, уят нерсени кокус көрүп калсаң ага экинчи жолу караба. Анткени, биринчи көз салуу сенин пайдаңа, экинчиси сага каршы», — деп айткан Пайгамбар Алиге кеңеш берип жатып (Тирмизи, Адаб, 28; Абу Давуд, Никях, 44).