11:16, 27 февраля 2019, Бишкек - 24.kg
Кыргызстан Европага бал, кургатылган жемиш жана фасоль экспорттойт. Бул тууралуу Жогорку Кеңештин отурумунда Айыл чарба, тамак-аш өнөр жайы жана мелиорация министринин орун басары Эркинбек Чодуев билдирди.
Депутат Таалайбек Масабиров Кыргызстан кандай айыл чарба товарларын Европа биримдигине экспорттой тургандыгына кызыкты.
Эркинбек Чодуев Европага 11 миллион долларга кургатылган жемиштер жана бал экспорттолгондугун айтты. Бир жылда 90 миң тонна фасоль чыгарылып кеткенин айтты.