Ош облусунда аткезчилик менен ташылып бара жаткан тамеки продукциясы табылды. Бул тууралуу Бажы кызматынан билдиришти.
Маалыматка караганда, Түштүк-батыш бажыканасынын кызматкерлери «Достук» жайынан «ДЭУ Калос» унаасын токтотушкан. Текшерүү маалында унаадан 4 миң куту тамеки табылган. Алардын акциздик маркалары жок болуп чыкты.
«Айдоочу уруксат берилген кагазды көрсөтө алган жок. Жүктүн баасы 240 миң сомду түздү. Материалдар Ош облустук прокуратурасына өткөрүлүп берилди», -деп билдиришти бажы кызматынан.
