11:48, 01 февраля 2019, Бишкек - 24.kg
Депутат Чыныбай Турсунбеков Мамлекеттик мүлк башкармалыгы боюнча фонд өзгөргөндөн кийин Энергохолдингдин тагдырына окшошуп калбайбы деп кооптонду. Бул тууралуу ал КСДП фракциясынын отурумунда билдирди.
Айтымында, Энергохолдингди түзүүдө энергетиктер компания эффективдүүлүгүн көрсөтөт деп ишендиришкен.
«Бизге энергетикадагы күчтүү мамлекеттик компания түзүүнү убадалашкан. Биз холдинг түзүүгө уруксат бергенбиз. Азырынча жыйынтык жок. Фонд дагы ошондой болуп калбайбы?», -деп сурады Чыныбай Турсунбеков.
Фонддун башчысы Ренат Түлөбердиев Энергохолдинг боюнча активдердин номиналдык баасы тууралуу бир канча суроосу болгонун айтты. Кайра баалоо процесси былтыр башталган.
«Азырынча биринчи блокту баалоо аяктады. Жайында энерго тармактын баасын билебиз», -деди ал.