13:39, 31 января 2019, Бишкек - 24.kg
Бир жыл ичинде Мамлекеттик салык кызматынын 32 кызматкери жазага тартылды. Бул тууралуу аталган кызматтан билдиришти.
Жаза тартуу чечимдери 2018-жылы жарандардын кайрылууларынын негизинде кабыл алынган
Маалыматка ылайык, 16 салык төлөөчү салык мыйзамын бузганы үчүн административдик жоопкерчиликке тартылды. Жазага тартылган кызматкерлердин ичинен жетөө кызматтан бошотулган, эки кызматкерге карата катуу сөгүш жарыяланды. Сегизи сөгүш алып, дагы 9 кызматкерге эскертүү жана 5 кызматкерге катуу эскертүү берилип, бирөө ротацияланган.