15:14, 31 января 2019, Бишкек - 24.kg
Дүйнөлүк банктын «Бизнес жүргүзүү» рейтингинде Кыргызстан 7 көрсөткүч боюнча ордун жакшыртты. Бул тууралуу премьер-министр Мухаммедкалый Абылгазиев Бизнести жана инвестицияларды өнүктүрүү кеңешинин жыйында билдирди.
«Атаандаштыктын глобалдык көрсөткүчүндө биз өз позициябызды 5 көрсөткүч боюнча жакшыртып, дүйнөнүн 140 өлкөсүнүн ичинде 97-орунда турабыз. Экономикалык эркиндик рейтингинде Кыргызстан 89-орундан 78-орунга көтөрүлгөн», -деди өкмөт башчы.
Глобалдык инновациялык көрсөткүч-2018 маалыматына ылайык, республика бир жылдын ичинде IT-кызматтарын экспорттоо көлөмү боюнча позициясын жакшыртып, 93-орундан 34-позицияга жылган.