09:13, 29 января 2019, Бишкек - 24.kg
2018-жылы Кыргызстандын чек арачылары 36 миллион 460,8 миң сомдук контрабанда кармап, 1 миң 8 килограммдык кендир табышкан. Бул тууралуу Чек ара кызматынан билдиришти.
Маалыматка ылайык, былтыр мамлекеттик чек арадагы абал туруктуу болду. Бирок, 11 окуя катталды. Кыргыз-тажик чек арасында 7, кыргыз-өзбек чек арасында 4 окуя болгон.
«2018-жылы мамлекеттик чек араны бузган 205 киши кармалган», -деп жазылат маалыматта.