11:00, 24 января 2019, Бишкек - 24.kg
Депутат Камчыбек Жолдошбаев Нарын облусундагы карышкырларды атуу үчүн тик учак сатып алууну сунуштады. Бул тууралуу ал Жогорку Кеңештин отурумунда айтты.
Анын билдиргенине караганда, күн сайын аталган аймакта карышкырлар жылкыларга кол салууда. Айына жырткычтар 150гө жакын атты өлтүргөн. Жергиликтүү калк өз күчтөрү менен жырткычтарга каршы тура алышпайт.
«Карышкырларды атуу үчүн аларга тик учак алып берсек кандай болот? Карышкырлар бизге тууган эмес го, мисалы, тик учакты жемкорлук менен күрөшүүдөн түшкөн каражатка сатып алса болот», -деди Камчыбек Жолдошбаев.