17:55, 22 января 2019, Бишкек - 24.kg
Түзөтүү колониясына баңгизатын ыргытканга шектүү жаран кармалды. Бул тууралуу ИИМден билдиришти.
Маалыматка караганда, окуя мындан 2 жыл мурун болгон. Шектүү кечээ колго түштү.
Билдирүүгө ылайык, белгисиз бирөөлөр колониянын тосмосунан 2 пластмассадан жасалган бөтөлкө ыргытышкан. Экспертизанын жыйынтыгында анда баңгизат салынганы аныкталган.
Аталган факт боюнча кылмыш иши козголгон. Окуяга шектүү катары Ысык-Көл облусунун 24 жаштагы жараны кармалды. Ал буга чейин соттолуп чыккан.