Ысык-Көл облусундагы жол кырсыгында 44 жаштагы киши каза болду. Бул тууралуу ИИМдин жол кыймылы коопсуздугун камсыздоо башкы башкармалыгынан билдиришти.
Окуя кечээ Балыкчы — Ананьево — Каракол жолунда болгон. Toyota Land Cruiser үлгүсүндөгү унаанын айдоочусу рулду башкара албай, ала салып кеткен. Ал кырсык болгон жерде каза болгон.
Мамлекеттик экологиялык техникалык инспекциясынын маалымат кызматы каза болгон жаран мекеменин Каракол шаары жана Түп, Ак-Суу, Жети-Өгүз району боюнча аймактар аралык башкармалыгынын жетекчиси Мирлан Абдрахманов экенин тастыктады.
