11:27, 18 января 2019, Бишкек - 24.kg
Түркия, Ош облусуна химиялык эмес (биогумустук) жер семирткичтерди жана малды бордоп семиртүүгө багытталган азыктарды чыгаруучу завод курат. Бул тууралуу Өкмөттүн Ош облусундагы өкүлчүлүгүнүн маалымат кызматы билдирди.
Завод куруу боюнча пландар, өкмөттүн Ош облусундагы ыйгарым укуктуу өкүлү Узарбек Жылкыбаев Түркиядан келген делегацияны кабыл алган учурда айтылды.
Жолугушууга, Түркиянын Кайсеридеги ардактуу консулу жана ишкерлер ассоциациянын жетекчиси Мустафа Курт жетектеген делегация келген.
Учурда завод үчүн жер Ноокат жана Кара-Суу райондорунан каралып жатат. Бул маселе чечилген соң, курулуш иштерин жаз айларында баштоо күтүлүүдө.