09:00, 18 января 2019, Бишкек - 24.kg
Ош шаардык соту кызын чынжырга байлап койгон жаранды 3 жылга коомдук иштерде иштөөгө өкүм чыгарды.
Өкүмдө жазылгандай, ал күнөөнү толугу менен мойнуна алып, жасаган ишине өкүнгөн.
«Мен пенсиядамын, мотоцикл менен жүк ташып жан багамын. Учурда 2-никедеги жубайым менен жашайм, бир кыз бир уулум бар. Кызым үйдөн качып кетип көпкө таба алган жокпуз. Аны милиция парктан кармап келгенде, тарбиялоо максатында чынжырга байлап койгом», -деди айыпталуучу.
Эске салсак, Ошто атасы кызын чынжырга байлап койгон маалымат тараган. Айыпталуучу кызы аларды укпай үйдөн качып кеткендиги үчүн ушундай кадамга барганын айтат.