Жүк ташуучу Boeing 707 учагы кырсыктагандан кийин болгону бир киши, борттун инженери аман калды. Бул тууралуу Орусиялык ЖМК жазды.
Маалыматка караганда, учактын бортунда баардыгы 16 киши болгон. Буга чейин учакта 10 киши болгону кабарланган.
Окуя болгон жерде 7 кишинин сөөгү табылды. Бул тууралуу Ирандын өзгөчө кырдаалдар боюнча башкармалыгы билдирди.
Учак Бишкектен учуп чыккан. Ал Кыргызстандан тоңдурулган эттерди Иранга ташып турган. Бул жолу учакта 30 тонна эт жүктөлгөн болчу.
