Ысык-Көл облусунун аймагында жер титирөө катталды. Бул тууралуу Өзгөчө кырдаалдар министрлигинин басма сөз кызматы кабарлады.
Маалыматка ылайык, жер титирөө бүгүн, 9-январда болжол менен саат 01:41де болуп, очогунда күчү 3 баллга жеткен.
Жер титирөө Тон районунун Оттук айылында 3 баллга, Кара-Талаа айылында 2,5 баллга жана Ак-Өлөң айылына 2 баллга чейин сезилген.
Жер титирөөдөн жабыркагандар жана кыйроолор катталган жок.
