Ысык-Көл облусуна караштуу Жети-Өгүз районунда тургун 1 жарым жаштагы баланы өлтүрө сабап салды. Бул тууралуу 24.kg агенттигине райондун прокурору Мирлан Аширбаев билдирди.
Айтымында, бала аймактык ооруканага 23-декабрда келип түшкөн. Ал ооруканага келгенде тирүү болчу.
«Бүгүн түнү наристе каза болду. 21 жаштагы энеси Москвада экен, ал баласын туугандарыныкына таштап кетиптир. Кылмыш иши козголуп, кылмышка тиешеси бар тууганы кармалды», -деди Мирлан Аширбаев.
