Режиссер Сергей Дворцевдин «Айка» тасмасы «Мыкты чет өлкөлүк тасма» номинациясы боюнча Оскар премиясына талапкер болгон 9 кыска тизменин арасына кирди. Бул тууралуу Тенгриньюс сайты жазды. Тасма Казакстандын атынан катышат.
Ага атаандаш болуп мексикалыктардын «Рим», жапондуктардын «Дүкөн уурулары», польшалыктардын «Муздак согуш», ливандыктардын «Капернаум», немецтердин «Көзүңдү ала качпа» тасмалары орун алды.
Сыйлык боюнча 5 номинант 22-январда жарыяланат. Оскар сыйлыгын тапшыруу аземи 24-февралда болот.
«Айка» тасмасында Москвада мыйзамсыз жашап, иштеп жүргөн кыргызстандык эмигрант тууралуу тартылган. Анда баш ролду Казакстындын актрисасы Самал Еслямова аткарган. Канн фестивалында ал «Аялдын ролун эң мыкты аткарган» деген наамды алган.
