20:52
USD 84.80
EUR 99.50
RUB 1.16

Цирктин директору Курмангазы Исанаев ооруканага жатып калды

А.Изибаев атындагы кыргыз мамлекеттик циркинин директору Курмангазы Исанаев ооруканага жатып калды. Бул тууралуу ал өзү 24.kg агенттигине билдирди.

Директордун айтымында, анын кан басымы көтөрүлүп кеткен. Мындан улам ооруканага жатууга туура келген. Өз кезегинде Маданият министри Азамат Жаманкулов 24.kg агенттигине Курмангазы Исанаевди иштен бошотуу тууралуу буйрук даярдалып жатканын айтты. Бирок, цирктин директору ооруканага жаткандыгына байланыштуу, аны кызматтан кетирүүгө болбойт.

Цирктин директорунун орун басары Дарья Кусеинова буга чейин кызмат акысы сакталбаган өргүүгө арыз жазып кеткен.

Буга чейин цирктин артисттери министрге Курмангазы Исанаевди иштен бошотуу тууралуу өтүнүч менен кайрылышкан. Жогорку Кеңештин депутаттары аталган жайда жемкорлук гүлдөп жатат деп билдиришкен.

Эң көп окулган жаңылыктар