Эл аралык өнөктүрүү ассоциациясы Кыргызстандын бюджетине 24 миллион доллар бөлөт. Бул тууралуу каржы министри Адылбек Касымалиев Жогорку Кеӊештин Бюджет жана финансы боюнча комитетинин кезектеги жыйынынын жүрүшүндө билдирди.
Анын айтымында, Эл аралык өнөктүрүү ассоциациясы бөлө турган каражаттын 12 миллион доллары грант, ал эми калган бөлүгү жеӊилдетилген насыя болуп саналат.
Насыя 38 жылдык мөөнөт жана 0,75 үстөк пайызы менен берилүүдө.
