Айтматовдун 90 жылдыгы. Футбол боюнча өспүрүмдөр арасында эл аралык мелдеш өтөт
16:47, 19 ноября 2018, Бишкек - 24.kg
Эртең Бишкекте улуу жазуучу Чыңгыз Айтматовдун 90 жылдыгына арналган футбол боюнча өспүрүмдөр арасындагы эл аралык мелдеш башталат. Бул тууралуу футбол федерациясынан билдиришти.
Маалыматка караганда, иш-чарага 12 жашка чейинки жаштар арасындагы кыргызстандык жана казакстандык 8 команда катышат.
Мелдеште Бишкектик «Дордой» жана «Илбирс», Канттык «Абдыш-Ата», Оштук «Академия», Алматылык «Кайрат», Тараздык «ОСДЮШ», Карагандалык «Шахтёр» жана Шымкенттик «Ордабасы» командалары беттешмекчи.
