Жалал-Абад облусуна караштуу Ноокен районунда 12 жаштагы бала үйүлгөн пахтанын алдында калып набыт болду. Бул тууралуу ОИИБнын басма сөз кызматы билдирди.
Маалыматка караганда, окуя 27-октябрда Сакалды деген айылда болгон.
«Өспүрүм кошуна үйдө үйүлгөн пахтанын жанында ойноп жаткан. Баланы үйүлүп турган 3 тонна пахта басып калып, ал тумчугуп каза болгон», — деп жазылат маалыматта.
Айрым билдирүүгө таянсак, баланын ата-энеси Орусияда экени айтылууда.
