USD87.45EUR96.10RUB1.06
24.kg

Сузак районунда таксистти бычактап кеткен киши кармалды

09:01, 29 октября 2018, Бишкек - 24.kg

Жалал-Абад облусуна караштуу Сузак районунда таксистти бычактап кеткен киши кармалды. Бул тууралуу Жалал-Абад ОИИБнын басма сөз кызматынан билдиришти.

Маалыматка караганда, Жалал-Абад шаарындагы Ленин көчөсүндө 27 жаштагы Авазбек аттуу таксистти Бишкектен жүк күтүп аларын айтып, белгисиз кардар жалдаган. Кылмышка шектүүнү таксист айткан жерине жеткирип, бир аз күтө туралы деген сунушуна макул болгон. Ошол маалда кылмышка шектүү айдоочуну бычак менен 3 жолу сайганга үлгүргөн, бирок жабырлануучу качып кеткенге жетишкен.

Ал эми шектүү Бишкекти көздөй жол тарткан, бирок жол кырсыгына учурап, унааны ошол жерге таштап, окуя болгон жерден качып кеткен. Каракчылык беренесинин алкагында кылмыш иши козголуп, шектүү катары Базар-Коргон районунун Кызыл-Ай айылынын 26 жаштагы тургуну кармалды.

Шектүү алгачкы көрсөтмөсүндө окуя болгон күнү акчасы жок курсагы ачып, таксистти алдап, ээн таалага алып барып акчасын алуу максатында ушул ишке баргандыгын билдирген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18