USD87.45EUR96.10RUB1.06
24.kg

Премьер-министр 20 күнгө командировкага барган өкмөттүн өкүлдөрүнө нааразы

17:54, 26 октября 2018, Бишкек - 24.kg

«Өкмөттүн айрым өкүлдөрү 20 күнгө командировкага барды деген маалыматтар бизде бар. Бул эмне деген командировка? Силер эмне студентсиңерби? Окууга барып жатасыңарбы?», -деди өкмөттүн отурумунда премьер-министр Мухаммедкалый Абылгазиев.

Анын айтымында, учурда коомчулукту министрлер менен алардын орун басарларынын командировкалары тууралуу маселе кызыктырууда. Чакыруу берген тараптын эсебинен 400 эл аралык сапарлар уюштурулганы тууралуу маалымат бар. Мындан тышкары бюджеттин эсебинен дагы командировкалар болгон.

«ТИМ же экономика министрлиги барса түшүнөм, алардын иш сапарлары көп. Бирок, алар Кыргызстандын кызыкчылыгы үчүн барышат. Калгандарычы? Дайыма эки жакка чыккандар дагы бар, ал тургай бизге кетип жатканын дагы айтпайт. Мындай болбошу керек», -деди Мухаммедкалый Абылгазиев.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18