USD87.45EUR96.10RUB1.06
24.kg

Тышкы иштер министри кызматына Чыңгыз Айдарбековдун талапкерлиги сунушталды

11:29, 16 октября 2018, Бишкек - 24.kg

Премьер-министр Мухаммедкалый Абылгазиев Кыргыз Республикасынын тышкы иштер министри кызматына Чыңгыз Айдарбековдун талапкерлигин сунуштады. Бул тууралуу өкмөттүн аппаратынын маалыматтык камсыздоо бөлүмү жазып чыкты.

Маалыматка ылайык, өкмөттүн кайсы бир мүчөсү кызматынан бошогон шартта премьер-министр президентке бош кызматтык ордуна Жогорку Кеңештин жактыруусу менен 5 иш күнүнүн ичинде дайындоо үчүн талапкерди сунуштайт. 

Чыңгыз Айдарбеков 2016-жылдан бери Кыргызстандын Жапониядагы элчиси болуп эмгектенет.

Ал 1998-жылы Кыргызчтандын Эл аралык университетинде «эл аралык мамилелер» адистиги боюнча бакалавр даражасын алган. 2001-жылы аталган окуу жайда «юриспруденция» адистиги боюнча магистратурада окуган. 2017-жылы Кыргыз-Орус Славян университетинде аспирантураны бүтүргөн.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18