USD87.45EUR96.10RUB1.06
24.kg

Индиянын жарандарын тоногондор кармалды

09:36, 16 октября 2018, Бишкек - 24.kg

Ош ШИИБнын кызматкерлери чет өлкөлүк студенттерди тоноого шектүү тартип сакчыларын кармашты. Бул тууралуу ШИИБнын басма сөз кызматы билдирди.

Маалыматка ылайык, жабыркагандар Индиянын жарандары болуп чыкты.

«Ушул жылдын 1-октябрында Ош шаарынын Кара-Суу кѳчѳсүндѳ жайгашкан ресторандын алдында Индия Республикасынын 2000-жылы туулган жараны бара жаткан. Анын жолун азиат түспөлүндөгү, 25-30 жаштар чамасындагы бейтааныш адамдар тосуп, ѳздѳрүн «милиция кызматкерлери» деп тааныштырган. Алар Индиянын жаранын «ВАЗ 2107» үлгүсүндѳгү автоунаасына отургузуп, Ош шаарынын У.Салиева кѳчѳсүнѳ алып барып, жанынан накталай 3 миң сом акчасын тартып алышкан.Өздөрү окуя болгон жерден белгисиз тарапка изин жашырып качып кетишкен», -деп билдиришти ШИИБдан.

Аталган окуяга шектүү катары Ош облустук ички иштер башкармалыгынын кайгуул кызмат батальонунун 25 жаштагы эки кызматкери кармалышты.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18