USD87.45EUR96.10RUB1.06
24.kg

Алматыда жарым марафонго катышып жаткан студент каза болду

09:33, 15 октября 2018, Бишкек - 24.kg

Алматыда алгачкы жолу уюштурулган күзгү жарым марафон маалында анын 18 жаштагы катышуучусу Максим Королев каза болду. Бул тууралуу жергиликтүү басылмалар кабарлашты.

Астаналык Максим Королев Санкт-Петербург кесиптик кошуундар университетинин Алматыдагы өкүлчүлүгүнүн студенти болчу. Курсташтарынын айтымдарында, ал «күрөш жана мушташ самбосу» боюнча Казакстандын спорт чеберине талапкер болуп, чуркоо боюнча шаардык спартакиадаларда жеңиштерге жетип жүргөн.

Күбөлөрдүн айтымдарында, марага бир квартал калганда Королев өзүн жаман сезип жыгылган. Үч мүнөттүн ичинде келген тез жардам кызматынын дарыгерлери анын каза болуп калганын айтышкан. Медиктер студенттин өлүмүнүн себептери соттук-медициналык экспертизанын жыйынтыктары чыккандан кийин белгилүү болорун билдиришти.

Жарым марафондун уюштуруучулары Королевдин туугандарына көңүл айтып, ата-энесинин Алматыга учуп келишине жардам беришти.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18