USD87.45EUR96.10RUB1.06
24.kg

Президент Душанбеге барат

15:35, 27 сентября 2018, Бишкек - 24.kg

Президент Сооронбай Жээнбеков бүгүн иш сапар менен Тажикстандын борбору Душанбе шаарына барат. 28-сентябрда ал жакта Көз каранды эмес мамлекеттер шериктештигинин саммити өтөт. Мамлекет башчылар кылмыштуулукка каршы биргелешип күрөшүүнүн беш жылдык программасын кабыл алышат.

Мындан тышкары, алар маалыматтык технологиялар жаатындагы кызматташтык маселелерин талкуулашат. Жалпысынан 18 документ кабыл алынат. 2020-жылы Улуу Жеңиштин 75 жылдыгын майрамдоого карата даярдык тууралуу да сөз болот.

Алдын ала маалыматка караганда, Душанбеде Сооронбай Жээнбеков Орусиянын президенти Владимир Путин менен жолугушуу өткөрөт, негизинен экономикалык мамилелер талкууланат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18