USD87.45EUR96.10RUB1.06
24.kg

Түркмөнстанда 1700дөн ашуун кишиге мунапыс жарыяланды

08:37, 25 сентября 2018, Бишкек - 24.kg

Түркмөнстан өкмөтү Эгемендүүлүк майрамына карата 1700дөн ашуун кишиге мунапыс жарыялап, 740тан ашуун кишиге жарандык берди. Бул тууралуу 24-сентябрда президент Гурбангулы Бердымухамедовдун катышуусунда өткөн жыйында белгилүү болду.

Министрлер кабинетинин кеңейтилген жыйыны Элдик Кеңештин биринчи отуруму ачылган күнү болду.

Анда 1722 кишиге мунапыс жарыяланганы айтылды. Мындан тышкары Бердымухамедов 740тан ашуун кишиге Түркмөнстан жарандыгын берүү тууралуу жарлыкка кол койгонун билдирди.

24-сентябрда Элдик Кеңештин иши башталбаганы менен Ашхабадда коопсуздук чаралары күчөтүлдү. Борбордук көчөлөр жабылды.

Ашхабаддын олимпиадалык стадионунда Түркмөнстандын Эгемендик майрамына карата салтанаттуу даярдыктар өттү. Быйыл майрам жылдагыдай 27-октябрда эмес, 27-сентябрда болот.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18