USD87.45EUR96.10RUB1.06
24.kg

Ата-эне 17 жаштагы уулун карыздарынан кутулуш үчүн кашарга малчы кылып беришкен

09:11, 14 сентября 2018, Бишкек - 24.kg

Ысык-Көл облусуна караштуу Ананьево айылынын тургундары 17 жаштагы уулун карыздарынан кутулуш үчүн кашарга малчы кылып беришкен. Бул тууралуу 24.kg агенттигине райондук прокуратурадан билдиришти.

«17 жаштагы Г.Н. ушул жылдын апрелинен бери мектепке барган эмес. Бул убакыт аралыгында ал айылдагы кашарлардын биринде малчы болуп иштеп жүргөн. Өспүрүмдүн ата-энеси кашар ээсине 13 миң сом карыз болуп калышкан, мындан улам карыздан кутулуу үчүн баласын ноябрга чейин малчы кылып беришкен», —деп жазылат маалыматта.

Аталган үй-бүлөдө 12 жаштагы өспүрүм дагы бир жолу да мектепке барбагандыгы аныкталды.

«Ата-энесин административдик жоопкерчиликке тартышты. Учурда 2 бала тең мектепке бара баштады. Аларга жеке тартипте инклюзивдик билим алуу үчүн шарттар түзүлдү», —деп билдиришти прокуратурадан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18