USD87.45EUR96.10RUB1.06
24.kg

Кышында жол тайгак болбошу үчүн кум жана тузду колдонуудан баш тартуу сунушталды

17:55, 13 сентября 2018, Бишкек - 24.kg

Кышында жол тайгак болбошу үчүн кум жана тузду колдонуудан баш тартууну вице-мэр Бакытбек Дүйшембиев сунуш кылды.

Анын айтымында, өнүккөн өлкөлөрдө эчак эле мындай тажрыйбадан баш тартышкан. Алар атайын реагенттерди пайдаланышат.

«Эгерде биз туз менен кумду пайдаланууну улантсак, анда оңдоодон өткөн жолдор тез арада начар абалга келип калат», —деди ал.

«Баасын жана сапатын караш керек. Жок дегенде ондолгон жолдорго реагенттерди колдонууну карап чыгалы. Подрядчиктер дагы кум менен тузду колдонбоону сунуштап жатышат», — деп кошумчалады шаардын мэри Азиз Суракматов.

Вице-мэр Рысбек Сарпашевдин айтымында, жылдын башында ушундай сунуш түшкөнү менен аны эч ким колдогон эмес. Экологдор дагы реагентти пайдаланбоого чакырат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18