USD87.45EUR96.10RUB1.06
24.kg

Оштун мэри Таалайбек Сарыбашов шаар ичин жөө кыдырып текшерүүгө алды

17:08, 11 сентября 2018, Бишкек - 24.kg
Оштун мэри Таалайбек Сарыбашов бүгүн шаар ичин жөө кыдырып текшерүүгө алды. Бул тууралуу мэриянын басма сөз кызматы билдирди.
 

Маалым болгондой, шаар башчы негизинен көчөлөрдүн тазалыгына, мыйзамсыз курулуштар менен тротуарда жайгашкан күркөлөргө көңүл бурган. Рейддин алкагында мэр Түштүк-Чыгыш кичи районунун көчөлөрүн, Ак-Буура аймактык кеңешинин бир бөлүгүн кыдырып чыкты.

«Мэр тийиштүү кызматтын өкүлдөрүнө аялдамалардын маңдайкы бетин оңдоо жана керек болгон жерлерге жаңысын орнотуу боюнча сунуш берүүнү тапшырды. Мындан тышкары, көрнөк жарнактардын эрежелерге төп келишин көзөмөлгө алууну буйруду», — деп жазылат маалыматта.

Ош шаарында коомдук транспорт үчүн жалпысынан 127 аялдама бар. Алардын элүү тогузу заманбап, калгандары Советтер Союзу учурунда орнотулган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18