USD87.45EUR96.10RUB1.06
24.kg

Президент УКМКнын кызматкерлерине жаңы батирлердин ачкычтарын тапшырды

14:33, 30 августа 2018, Бишкек - 24.kg

Президент Сооронбай Жээнбеков бүгүн Бишкекте Улуттук коопсуздук мамлекеттик комитетинин кызматкерлери үчүн курулган жаңы турак үйдүн ачылыш аземине катышып, батирлеринин ачкычтарын тапшырды. Бул тууралуу президенттин аппаратынан билдиришти.

Өз сөзүндө Мамлекет башчысы Кыргызстан үчүн улуу майрам Эгемендүүлүк күнүнүн алдында бул жакшылыкка ортоктош болуп жатканына кубанычта экенин билдирди. Ал Куралдуу Күчтөрдүн аскер кызматчыларына жана укук коргоо органдарынын кызматкерлерине социалдык жактан колдоо көрсөтүү уланып жатканын белгиледи.

Быйыл жалпысынан 216 батирлүү 4 үй курулуп бүттү. Жылдын аягына чейин 1245 батирлүү 21 үйдүн курулушун аяктоо пландаштырылууда. Ал үйлөр Бишкек шаарында, Баткен, Талас, Жалал-Абад жана башка облустарда курулуп жатат. Бүгүн 81 үй-бүлө квартиралуу болууда. Күч түзүмдөрүнүн кызматкерлерине көрсөтүлгөн колдоо, социалдык кепилдикке алуунун деңгээли дагы да жогорулайт.

.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18