USD87.45EUR96.10RUB1.06
24.kg

Өмүрбек Текебаевдин мамлекеттик жактоочусу лицензиясыз калышы мүмкүн

10:17, 23 августа 2018, Бишкек - 24.kg

Экс-депутат Өмүрбек Текебаевдин мамлекеттик жактоочусу Элмира Чоноева лицензиясыз калышы мүмкүн. Бул тууралуу ал 24.kg агенттигине өзү билдирди.

Айтымында, жактоочулар кеңеши этика боюнча атайын комиссиянын ага карата чыгарган өкүмү тууралуу чечиминен баш тартып, анын жактоочулук лицензиясын убактылуу токтотууну сунушташкан.

«Бирок, бул негизги чечим эмес, болгону сунуш. Эгерде комиссия макул боло турган болсо, анда сотко кайрылганга аргасызмын», — деди юрист.

Эске салсак, буга чейин юристтер Чынара Жакупбекова жана Таалайгүл Токтакунова Кыргызстандын Адвокатурасынан Элмира Чоноеваны лицензиясынан ажыратууну талап кылышкан. Алардын айтымында, Элмира Чоноеванын Өмүрбек Текебаевдин макулдугу жок соттогу кызыкчылыгын коргоого укугу жок болчу.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18