USD87.45EUR96.10RUB1.06
24.kg

Подмосковьеде ууланган өзбекстандыктардын абалы жакшырууда

08:29, 23 августа 2018, Бишкек - 24.kg

Өзбекстан Өзгөчө кырдаалдар министрлиги Подмосковьеде ууланган 26 өзбекстандыктын аты-жөнүн жарыялап, алардын абалы турукташканын билдирди.

Министрлик билдиргендей, ууланган жарандар 18-августта ар түрдүү тамак-аш жегенден кийин өздөрүн начар сезе башташкан. Өз алдынча дарылануудан майнап чыкпаган соң, 21-августта Тез медициналык жардам станциясына кайрылышкан. Уулангандардын 23ү ооруканага жаткырылды. Дагы бирөөсү «тез жардам» келгенче каза болсо, экөө ооруканага жатуудан баш тарткан. Аларга болжолдуу түрдө гастроэнтерит деген диагноз коюлду.

Учурда ооруканада жаткан 23 кишинин абалы жакшы.

Орусиядагы Өзбекстан элчилиги каза болгон өзбекстандыкты мекенине жөнөтүү боюнча иш алып барууда.

Орусиялык басылмалар өз булактарына таянып кабарлашкандай, өзбекстандык куруучулар 18-августта эле тамактангандан кийин өздөрүн жаман сезе башташкан, бирок ошол замат дарыгерлерге кайрылышкан эмес.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18