USD87.45EUR96.10RUB1.06
24.kg

Өзбекстандын премьер-министри жол кырсыгынан «жеңил жараат» алды

08:31, 22 августа 2018, Бишкек - 24.kg

Өзбекстандын премьер-министри Абдулла Арипов жол кырсыгына кабылып, «жеңил жарааты менен ооруканага жаткырылды». Бул тууралуу өлкөнүн Башкы прокуратурасы кабарлады.

Мекеменин маалыматына караганда, кырсык 20-августта эртең менен «Карасу — Бука — Бекабад» жолунун 92чи чакырымында болгон. «Дамас» үлгүсүндөгү унаанын айдоочусу рулду башкара албай калып, каршы тилкеге чыгып премьер-министр бараткан «Мерседеске» сүзүлгөн.

Кырсыктан Абдулла Арипов жеңил жараат алган. Анын орун басары Алишер Султановдун сол санынын сөөгү жана эки кабыргасы сынган. Мындан тышкары президенттик аппараттын жооптуу кызматкеринин оң билеги сынып, айдоочу башынан жаракат алган.

«Дамас» унаасынын айдоочусу менен алты жүргүнчүсү дагы түрдүү жаракаттарды алышып, учурда дарыланып жатышат", — деп жазылган көзөмөл органдын билдирүүсүндө.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18