USD87.45EUR96.10RUB1.06
24.kg

Кыргызстандык окуучулар физика боюнча эл аралык олимпиадада коло медаль утушту

16:01, 31 июля 2018, Бишкек - 24.kg

Кыргызстандык мектеп окуучулары Португалияда өткөн физика боюнча эл аралык олимпиадада коло медаль утуп алышты. Бул тууралуу Билим берүү жана илим министрлигинен билдиришти. 

Маалыматка караганда, олимпиадага 87 өлкөнүн окуучулары катышты. Кыргызстандын атынан Нурдөөлөт Өмүралиев («Силкроуд» мектеби, Бишкек шаары), Азамат Мырзабеков (Кыргыз-Түрк лицейи, Каракол шаары), Ырыскелди Анарбеков (Е.Якир атындагы лицей мектеби Бишкек шаары), Артур Садиков («Силкроуд», Бишкек шаары) жана Азамат Абыкеев (Кыргыз-Түрк лицейи, Талас облусу) катышты.

Эки турдун жыйынтыгында Азамат Мырзабеков менен Нурдөөлөт Өмүралиев коло медаль жеңип алышты.

Эскерте кетсек, аталган министрлик окуучулардын жол киресин төлөп берген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18