USD87.45EUR96.10RUB1.06
24.kg

Орусияда өлтүрүлгөн беш жашар кыз Душанбеге жеткирилди

15:22, 25 июля 2018, Бишкек - 24.kg

Орусиянын Серпухово шаарында өлтүрүлгөн беш жашар Хувайдо Тиллозоданын сөөгү 25-июль күнү эртең менен Душанбеге жеткирилди.

Наристе 22-июлда жергиликтүү жашоочу тарабынан зордукталган жана өлтүрүлгөн. Анын сөөгү 23-июлда Серпуховодогу темир жол станциясынын жанында спорттук баштыктан табылган.

Хувайдонун сөөгүн ата-энеси, Тажикстандын Эмгек, миграция, иш менен камсыздоо министрлигинин өкулдөрү коштоп келишти.

Хувайдонун атасы Абдусалом Саидов бир жумадан кийин Орусияга кайтып келерин, кызын өлтүргөн кишинин оор жазага тартылышын талап кыларын билдирди. «Мен киши өлтүргүчтүн көзүнө тик карагым келди, бирок уруксат беришкен жок», — деди ал.

Орусиянын Серпухово шаарында беш жашар Хувайдо Тиллозоданын мыкаачылык менен өлтүрүлүшүнө байланыштуу 24-июлда Тажикстан Орусияга нааразылык нотасын жөнөткөн. Тажикстан ТИМи Орусиянын тиешелүү органдарынан наристенин өлүмүн кылдат иликтөөнү жана кылмышкерди катуу жазалоону талап кылган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18