USD87.45EUR96.10RUB1.06
24.kg

Ошто 3 күн аралыгында 5 киши ѳз өмүрүнө кол салып, төртөө аман калды

11:34, 18 июля 2018, Бишкек - 24.kg

Ош шаарында акыркы 3 күн аралыгында 5 жаран ѳз өмүрүнө кол салды. Бул тууралуу Ош шаардык милициясынын маалымат кызматы билдирди.

Алардын маалыматында, алардын бирөө көз жумуп, төртөө аман калды.

14-июлда шаардын 16 жаштагы тургуну кѳп кабат үйдүн терезесинен боюн таштаган. 15-июлда Кара-Суу районунун конокко келген 50 жаштагы тургуну асынып, өз жанын кыйган. Ушул эле күнү шаардын 25, кийин 21 жаштагы тургуну (аял) ири ѳлчѳмдѳгү димедрол дарысын ичип, ѳзүн ѳзү ѳлтүрүүгѳ аракет жасашкан.

Эскерте кетсек, Ош суицид боюнча алдынкы катарда. 2018-жылдын беш айында 32 өз өмүрүнө кол салуу фактысы катталды. Ал эми 2017-жылы 300гө жакын өспүрүм жарык дүйнө менен коштошууга аракет кылган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18