USD87.45EUR96.10RUB1.06
24.kg

Тажикстанда Байланыш кызматынын уруксатысыз телефон сатууга тыюу салынды

08:36, 17 июля 2018, Бишкек - 24.kg

Тажикстанда Байланыш кызматынын расмий уруксаты жок мобилдик телефондорду сатууга тыюу салынды. Аларды кызматтан сертификат алган компаниялар гана сата алышат.

«Тажикстандарттын уруксаты менен ар бир телефондун сапатын текшерип, андан кийин гана сатууга уруксат беребиз», -деди Байланыш кызматынын төрага орун басары Адолат Абдурахмонзода.

Адолат Абдурахмонзоданын айтымында, компаниялар сертификат алуу үчүн акы төлөшү керек. Ал мобилдик телефондорду сатууга уруксат албаган төрт сатуучу жазага тартылганын кошумчалады.

Былтыр Байланыш кызматы өлкөдө коопсуздукту камсыздоо максатында мобилдик операторлор менен интернет-провайдерлерден NGN-байланышын өчүрүүнү талап кылган. Сим-карталарды кайра каттоо дагы терроризм менен күрөшүү максатында жүргүзүлүп, бул кампания 2017-жылы 30-апрелде аяктаган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18