USD87.45EUR96.10RUB1.06
24.kg

Өзбекстанда аялдарды жылаңач чечинүүгө мажбурлаган тергөөчү камалды

11:11, 09 июля 2018, Бишкек - 24.kg

Самарканд облусунун Каттакурган шаарындагы базарда акча уурдоого шектелип кармалган эки аялды жылаңач чечинтип, кордоого айыпталган тергөөчү Санат Умаров камакка алынды. Бул тууралуу Өзбекстан Башкы прокуратурасы кабарлады.

Каттакурган шаардык ички иштер бөлүмүнүн тергөөчүсү, 30 жаштагы Санат Умаров ыйгарым укуктарынан аша чабууга, кыйноо колдонууга айыпталууда.

4-июлда Өзбекстан Башкы прокуратурасы Санат Умаровго каршы кылмыш иши козголгонун билдирген.

3-июнда тергөөчү Санат Умаров баштаган топ милиция бөлүмүнө базарда акча уурдоого шектелип кармалган эки аялды алып келишкен. Андан соң аларды жылаңач чечиндирип, уурдалган акчаны издеп, кол көтөрүшүп, кемсинтишкен. Бирок эч нерсе табылбагандан кийин, аялдардын кармалгандыгы тууралуу эч кандай кагаздарды толтурбастан эле аларды коё беришкен.

Өлкө ИИМи буга чейин тергөөчү Санат Умаров терс аракеттери үчүн жумуштан алынганын билдирген. Акча уурдоого шектелип кармалган аялдардын экинчисин кордогон дагы бир милиция кызматкеринин тагдыры азырынча белгисиз.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18