USD87.45EUR96.10RUB1.06
24.kg

Канатбек Исаев камакта калтырылды

10:01, 05 июля 2018, Бишкек - 24.kg

Биринчи Май райондук соту экс-депутат Канатбек Исаевдин мурунку баш коргоо чарасын күчүндө калтырды. Мындай чечимди судья Мирлан Термечиков кабыл алды.

Эске салсак, Канатбек Исаев 2017-жылдын 30-сентябрында мамлекеттик төңкөрүш жасоого даярданып жатат деген шек менен камакка алынган. Ал ошондон бери УКМКнын тергөө абагында кармалууда. Мындан тышкары Биринчи Май райондук соту ушул жылдын 4-январында Канатбек Исаевди 2008-2010-жылдар аралыгында Токмок шаарынын мэри кызматын аркалап турганда «пара алууга жол берген жана кызмат абалынан пайдаланган» деп 12 жылга эркинен ажыраткан.

Жакында эле экинчи иши кайра каралып, Жогорку Кеңештин депутаты Канат Исаев соттон акталды. Бишкек шаардык соту Токмок шаарындагы муниципалдык жердин менчикке берилиши боюнча ишти мөөнөтү өтүп кеткендигине байланыштуу токтотту. Парламенттин депутатына каршы дагы бир кылмыш иши козголгондуктан ал камоодо калды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18