USD87.45EUR96.10RUB1.06
24.kg

Өзбекстан муфтияты өзүнүн туристтик агенттигин ачты

16:37, 04 июля 2018, Бишкек - 24.kg

Өзбекстандын Мусулмандар дин башкармалыгы Muslim-tour деп аталган туристтик агенттик негиздеди. Бул тууралуу жергиликтүү басылмалар жазышты.

Маалыматка караганда, мекеме Туризмди өнүктүрүү боюнча мамлекеттик комитеттен тиешелүү лицензия алып, туристтик ишмердүүлүк менен алектенүү укугуна ээ болду.

«Muslim-tour агенттиги жергиликтүү тургундар жана чет өлкөлүктөр үчүн Өзбекстандын ыйык жерлерине зыярат кылуу үчүн турларды уюштурууну пландап жатат. Максаты — саякатчылар үчүн жагымдуу шарттарды түзүү жана мусулман дүйнөсүндө Өзбекстандын беделин жогорулатуу», — деп билдирди башкармалыктын басма сөз кызматы.

Буга чейин «Өзбекстан аба жолдору» улуттук компаниясы ислам туризмин өнүктүрүү үчүн жумасына бир жолу аткарылчу Ташкент — Жидда — Ташкент багыты боюнча каттам ачуу ниетин билдирген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18