USD87.45EUR96.10RUB1.06
24.kg

Таластагы митинг. Алтын казуу иштери боюнча түшүндүрүү иштери жүргүзүлдү

10:53, 29 июня 2018, Бишкек - 24.kg

Талас облусуна караштуу Бакай-Ата районундагы Акназаров айылынын тургундарына Үрмарал капчыгайынан алтын казуу иштери боюнча түшүндүрүү иштери жүргүзүлдү. Бул тууралуу өндүрүш, энергетика жана жер казынасын пайдалануу боюнча комитеттен билдиришти.

Маалыматка караганда, аталган комитеттин өкүлдөрү, айлана-чөйрөнү коргоо боюнча агенттиктин кызматкерлери жана жергиликтүү бийлик өкүлдөрү тургундарга «Полюс Голд Кей Джи» ЖЧКнын алтын казып иштетүүгө лицензиясы бар экендигин айтышты.

Маалым болгондой, мындан бир канча күн мурун аталган компания алтын аралашкан топуракты иштетүүгө лицензия алышкан.

Тургундар экологияга зыян алып келет деп митингге чыгышкан.

Мамлекеттик комитеттен билдиришкендей, алтын аралашкан топуракты иштетүүдө цианид колдонулбайт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18