USD87.45EUR96.10RUB1.06
24.kg

Сокулук районунда үйлөрдү тоноп жүргөнгө шектүүлөр кармалды

11:20, 28 июня 2018, Бишкек - 24.kg

Чүй облусуна караштуу Сокулук районунда үйлөрдү тоноп жүргөнгө шектүүлөр кармалды. Бул тууралуу Чүй ОИИБнын басма сөз кызматы билдирди.

Маалыматка караганда, Сокулук РИИБга Селекция айылынын 46 жаштагы тургуну арыз менен кайрылган. Анда ал ушул жылдын май айында белгисиз бирөөлөр үйүнөн 120 миң сомун, телефонун жана 25 миң сомдук зер буюмдарын уурдап кеткенин билдирген.

Ушул эле айылдын дагы бир тургуну 48 миң 500 долларын, 2 миллион сомдон ашуун акчасын жана алтын буюмдарын алдырып жибергенин айткан.

Аталган окуяга шектүү катары Кара-Балта шаарынын И.С. аттуу тургуну кармалды. Ал буга чейин бир канча жолу соттолгондугу аныкталды. Анын жанынан уурдалган 54 миң сом жана 100 доллар табылды.

Тоноого катыштыгы бар делип дагы бир жарандын өздүгү такталды. Анын үйүн тинтүү маалында уурдалган 10 миң доллар жана ок атуучу курал табылды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18