USD87.45EUR96.10RUB1.06
24.kg

Казакстанга аткезчилик жолу менен ташылып бараткан тамеки продукциясын табышты

10:40, 28 июня 2018, Бишкек - 24.kg

Казакстанга аткезчилик жолу менен ташылып бара жаткан 500 миң сомдук тамеки продукциясы кармалды. Бул тууралуу «24.kg» агенттигине Экономикалык кылмыштуулукка каршы күрөшүү боюнча мамлекеттик кызматтан билдиришти. 

Маалыматка караганда, тамеки продукциясынын акциздик маркасы жок болуп чыкты.

Укук коргоо органдарынын кызматкерлери «Акжол» көзөмөл-өткөрүү пунктунда «МАН» үлгүсүндөгү жүк ташуучу унааны токтотушкан. Унааны казакстандык жаран башкарып бара жаткан.

«Айдоочу унаанын ичинде ар кандай товар бар экенин айтты. Текшерүү маалында аткезчилик жолу менен ташылып бара жаткан тамеки табылды. Аталган факт боюнча кылмыш иши козголду», -деп билдиришти аталган кызматтан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18