USD87.45EUR96.10RUB1.06
24.kg

Александровка айылынын тургундары көмүрдүн сапатына нааразы болушууда

09:00, 22 июня 2018, Бишкек - 24.kg

Чүй облусуна караштуу Москва районундагы Александровка айылынын тургундары көмүрдүн сапатына нааразы болушууда. Бул тууралуу «24.kg» агенттигине жергиликтүү жашоочулар билдиришти.

Алардын айтымына караганда, айыл өкмөтү мектеп жана бала бакчалар үчүн 836 тонна көмүрдү тендер боюнча сатып алышкан. Бирок, кара алтындын сапаты начар болуп чыкты.

«Бул көмүр эмес эле чаң. Мындай көмүрдү кантип жагабыз? Биз тендерди кайра башынан өткөрүүнү талап кылабыз», — дешти тургундар.

Алар билдиргендей, жергиликтүү администрациядан бул тууралуу жооп алыша элек.

Аталган айыл өкмөтү «24.kg» агенттигине көмүрдү мыйзамдын негизинде өткөрүлгөн тендер аркылуу сатып алышканын айтышты.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18