USD87.45EUR96.10RUB1.06
24.kg

Таштандыга толгон чуңкур. Александровка айылынын тургундары нааразы болушууда

16:44, 19 июня 2018, Бишкек - 24.kg

Чүй облусуна караштуу Москва районундагы Александровка айылынын тургундары айыл өкмөт башчысы Баги Ибрагимге нааразы болушууда. Бул тууралуу айылдыктар «24.kg» агенттигине билдиришти.

Маалыматка караганда, Баги Ибрагим айылдын так ортосундагы жерден мыйзамсыз шагыл каздырткан.

«Эми аянты 1 гектар тереңдиги 17 метрге жеткен чуңкурга айылдыктар акыр-чикир ташташууда. Эски полигон жабык. Экология бузулду. Биз кайда барып кимге арызданарыбызды билбейбиз», — дешет жашоочулар. 

Жергиликтүү администрация казылган чуңкурда эч кандай мыйзам бузуу жок деп эсептейт. Алардын пикиринде, бул шагыл алуунун кадимки мыйзамдуу жолу.

«Айылдыктар өзүлөрү чуңкурга таштандыларды салышууда», -дешти айыл өкмөтүнөн.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18