USD87.45EUR96.10RUB1.06
24.kg

Өндүрүш Токтонасыров казакстандык блогерди колдоп пикетке чыкты

11:03, 12 июня 2018, Бишкек - 24.kg

Жарандык активист Өндүрүш Токтонасыров казакстандык блогер Муратбек Тунгишбаевди коңшу өлкөгө өткөрүп бербөө талабы менен пикетке чыкты. Ал ак майка кийип Жогорку соттун алдына барды. 

«Ак майка Мурат Тунгишбаевди кыргыздар калкалап калышыбыз керек дегенди билдирет. Демократия менен адамдын укугу-булар универсалдуу баалуулуктар. Бул Кыргызстанга дагы чет элдиктерге дагы таандык. Айрыкча бизге башпаанек сурап келгендерге да тиешелүү. Эгерде биз блогерди өткөрүп берсек, башка өлкөдөн куугунтук алгандар Кыргызстандан коргоо издебейт», — деди Өндүрүш Токтонасыров.

Эске салсак, Казакстандык блогер Мурат Тунгишбаев бозгун саясатчы, оппозиционер Мухтар Аблязов менен байланыштыгы бар жана ал «Казакстандын демократиялык тандоосу» кыймылын колдойт деп айыпталууда. Эгерде кыргыз бийлиги аны Казакстанга өткөрүп берсе, анда анын мүлкү конфискацияланып, өзү 7 жылга чейин түрмөгө кесилиши мүмкүн.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18