USD87.45EUR96.10RUB1.06
24.kg

Душанбеде өрттөнгөн базар 400 миң доллар зыянга учурады

15:44, 08 июня 2018, Бишкек - 24.kg

Тажикстан бийлиги «Султони Кабир» базарында чыккан өрттүн чыгымдарын эсептеп чыкты.

Тажикстан ИИМинин маалымат кызматы билдиргендей, келтирилген зыяндын суммасы 3,5 млн сомонини (390 миң доллар) түзөт.

Душанбедеги эң ири базарлардын бири эсептелген «Султони Кабирде» өрт 2-июнь кечинде саат 8дерде башталып, аны төрт сааттан кийин өчүрүүгө мүмкүн болгон. Өрттөн бир нече кампа жана 20дан ашык соода жайы күйүп кеткен. Өрт электр зымдарын туташтыруудагы кемчиликтерден улам келип чыккан. Базардын жетекчилигине чара көрүү маселеси карала элек, тергөө иштери жүрүүдө.

Соодагерлердин көбү банктан насыя алышкан, андыктан алар өкмөттөн колдоо күтүп жатышат.

Душанбе мэриясы «Султони Кабирдеги» соода түйүндөрүн калыбына келтирүү үчүн бир апта убакыт берди. Базар 2000-жылы салынган, 5 гектар аянтты ээлейт. Ал жерде 1700 ишкер эмгектенип келген.

Кошумчалай кетсек, Кыргызстандын борбору Бишкек шаарындагы Ош базарында ушул жылы 3 жолу ири өрт кырсыгы катталган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18